Almaniyada işgüzar səfərdə olan Azərbaycan prezidenti İlham Əliyev Bundestaqın deputatları, Almaniya-Azərbaycan Forumunun üzvləri ilə görüşüb.
AzVision.az xəbər verir ki, APA-nın prezidentin səfərini izləyən xüsusi müxbirinin verdiyi məlumata görə, görüşdə Azərbaycanla Almaniya arasındakı siyasi, iqtisadi və digər sahələrdəki hazırkı münasibətlər, eyni zamanda gələcək əməkdaşlıq perspektivləri müzakirə olunub.
Müzakirələrdə iki ölkə arasında uğurlu əməkdaşlıq olduğu qeyd edilib. Alman deputatlar bu görüşdən məmnunluq ifadə ediblər.
Görüşdə həmçinin Almaniya və Azərbaycan parlamentləri, xüsusilə dostluq qrupları arasında səmərəli əməkdaşlıq olduğu da vurğulanıb.
Görüşdə Ermənistan-Azərbaycan, Dağlıq Qarabağ münaqişəsi barədə fikir mübadiləsi aparılıb. Azərbaycan prezidenti münaqişə və Azərbaycanın beynəlxalq hüquq prinsipinə uyğun olan ədalətli mövqeyi barədə qrup iştirakçılarına ətraflı məlumat verib.
Görüşdə həmçinin alman şirkətlərinin Azərbaycana daha çox cəlb edilmələrinin vacibliyi də qeyd edilib.
İlham Əliyev alman deputatlarla görüşdü
21 Yanvar 2015
Oxunub:2565
Vaxtında, Aydın, Lazımlı!
-1782996984.jpg&h=190&w=280&zc=1&q=100)
-1782977481.jpg&h=190&w=280&zc=1&q=100)
