AzVision.az Azərtac-a istinadən bildirir ki, şirkətin rəhbəri İsmayıl Ələkbərovun verdiyi məlumata görə, layihə Türkiyənin “İsim Soft” və “Microsoft” şirkətlərinin iştirakı ilə tətbiq olunur.
“Azərbaycanın tibb sistemində 500-dən artıq müəssisə mövcuddur və məqsədimiz bu müəssisələrdə xüsusi platformanı tətbiq etməkdir. Bu elektron idarəetmə sistemi artıq Neftçilər xəstəxanasında bir neçə ildir ki, uğurla istifadə edilir. Biz, sadəcə, bu platformanı “İsim Soft”un müvafiq proqramı əsasında və “Bulud” texnologiyası üzərindən yaradılmasını, proqramın Azərbaycan qanunvericiliyi və dilinə uyğun şəkildə lokallaşdırılmasını nəzərdə tuturuq. Sistemin “Bulud” üzərindən fəaliyyət göstərməsi sərf ediləcək məsrəfləri azaldacaq. Çünki müəssisələrə artıq əlavə serverlər və avadanlıq almağa ehtiyac olmayacaq”, - deyə İ.Ələkbərov qeyd edib.
Sistemdə həkimlər, apteklər, dərmanlar və tibb müəssisələri ilə bağlı bütün məlumatlar yer alacaq.
AzVision.az
Azərbaycan səhiyyəsində mühüm yenilik
24 May 2015
Oxunub:2348
Azərbaycanın informasiya texnologiyaları üzrə şirkəti “Neuron Technologies” xəstəxana informasiya idarəetmə sisteminin, həmçinin ölkəmizdə aptek müəssisələrinin elektron idarə edilməsi üzrə innovativ həllin tətbiqini planlaşdırır. Bu məqsədlə səhiyyə sistemində vahid elektron idarəetmə sisteminin yaradılması ilə bağlı layihəyə başlanılıb.
Vaxtında, Aydın, Lazımlı!
