Tərtərin icra başçısı: `Ermənilər 4 evə ziyan vurub`

Tərtərin icra başçısı: `Ermənilər 4 evə ziyan vurub`
  27 Aprel 2016    Oxunub:2443
“Ötən gecə saat 22:00 radələrindən başlayaraq erməni silahlı qüvvələri Tərtər rayonunun cəbhəyanı ərazilərini ağır artilleriya atəşinə tutub. Artilleriya atəşi fasilələrlə saat 01:20-ə qədər davam edib”.
Bu barədə AzVision.az-a Tərtərin icra başçısı Müstəqim Məmmədov məlumat verib.

İcra başçısı qeyd edib ki, düşmənin atdığı mərmilər Tərtərin Yuxarı Qapanlı kəndində 1 evi tamamilə dağıdıb: “Düşmən təxribatı nəticəsində Əskipara kəndində 3 evə ziyan dəyib. Rayon sakinlərindən xəsarət alan olmayıb. Həmçinin 35 KV-lıq İsmayılbəyli yarımstansiyasından gələn elektrik xətlərin vurublar. Dəymiş ziyanla bağlı məlumatlar Dövlət Komissiyasına təqdim edilib”,-deyə icra başçısı vurğulayıb.

Ümumilikdə gecə saatlarında gedən atışma nəticəsində Tərtərdə 4 evə ziyan dəyib.

Qeyd edək ki, ermənilərin aprelin 25-dən 26-na keçən gecə Tərtər rayonunu artilleriya atəşinə tutması nəticəsində 20-dən çox evə ziyan dəymişdi. Həsənqaya və Qaynaq kəndində iki ev tamamilə dağılıb.

Anar Kəlbiyev
AzVision.az


Teqlər:  






Xəbər lenti


Azvision.az ©2014 | Bütün hüquqları qorunur