Gürcülər Papanın səfərinə etiraz edir - FOTO
Bildirilib ki, etiraz aksiyası pontifikin Tbilisiyə gəlməsinə bir saat qalmış başlayıb.
“Aeroportun yaxınlığında 20-30 nəfər toplaşıb. Onlar özləri ilə ingilis və gürcü dillərində “Vatikan –dini təcavüzkar”, “Papa sənin gəlişinə pravoslav Gürcüstanda şad deyillər” yazılmış plakatlar gətiriblər”-deyə məlumatda qeyd edilib.
Qeyd edək ki, bu gün Roma Papası Fransiskin Gürcüstana və Azərbaycana səfəri başlayır. Papa hər iki ölkədə siyasi və dini liderlərlə görüşlər keçirəcək.
Üçgünlük səfər çərçivəsində Papa Gürcüstan prezidenti Georgi Marqvelaşvili ilə görüşəcək. Oktyabrın 1-də Fransisk Mixail Meshi adına stadionda dini ayin keçirəcək. Bundan sonra o, Gürcüstan katolik kilsəsinin nümayəndələri ilə görüşəcək.
Oktyabrın 2-də səhər saatlarında Roma Papası Tiflisdən Bakıya gələcək. Papanın Bakıya səfəri “Bakirə Müqəddəs Məryəm” kilsəsində dua oxuması ilə başlayacaq. Ardından Vatikan başçısının Azərbaycan Prezidenti İlham Əliyev, Qafqaz Müsəlmanları İdarəsinin rəhbərliyi şeyx Allahşükür Paşazadə, Bakıdakı Rus Pravoslav Kilsəsi və yəhudi icmasının nümayəndələri ilə görüşü planlaşdırılıb.
Eldar Tanrıverdiyev
AzVision.az
Teqlər: