`Əliyev və Sarkisyanın razılığını gözləyirik`- Uorlik
AzVision.az “RİA Novosti”yə istinadən xəbər verir ki, bunu ATƏT-in amerikalı həmsədri Ceyms Uorlik bildirib.
“Ümid edirik ki, prezidentlər növbəti görüşün keçirilməsi üçün razılıqlarını bildirəcək. Lakin görüşün vaxtı və yeri hələ müəyyənləşdirilməyib”, - deyə Uorlik vurğulayıb.
Onun sözlərinə görə, həmsədrlər münaqişənin həlli üçün tərəflərlə işi davam etdirir: “BMT Baş Assambleyasının Nyu-Yorkda keçirilən iclası zamanı həmsədrlər Vyana və Sankt-Peterburqda əldə olunan razılaşmaları müzakirə etmək üçün Ermənistan və Azərbaycan xarici işlər nazirləri ilə ayrı-ayrılıqda görüşlər keçirib. Ayın sonunda regiona baş tutacaq səfərimiz zamanı biz tərəflərlə görüşlərin keçirilməsini müzakirə edəcəyik”.
Eldar Tanrıverdiyev
AzVision.az