Sarkisyana qarşı çıxan milyarder siyasətə qayıdır
Nəşrin məlumatına görə, ÇEP-in növbədənkənar qurultayı noyabr ayında keçiriləcək.
“Qurultay zamanı partiya daxilində yeni vəzifə - ÇEP Şurasının sədri yaradılacaq. Bu vəzifəni partiyanın sabiq lideri Qaqik Çarukyan tutacaq. Qeyd edək ki, Çarukyan ötən ilin fevral ayında qalmaqallı hadisələrdən sonra partiya rəhbərliyindən çıxıb, lakin partiyanı tərk etməyib”, - deyə nəşr yazıb.
Məlumata görə, partiyanın hazırki lideri – ÇEP-in parlament fraksiyasının rəhbəri Naira Zoqrabyan noyabr ayında keçiriləcək qurultayında yenidən rəhbər vəzifəsinə seçiləcək.
ÇEP-in parlament fraksiyasının sədri Vaqe Enfiacyan bəyan edib ki, xalq Çarukyanın böyük siyasətə qatılmasını tələb edir.
Qeyd edək ki, ÇEP 2004-cü ildə yaradılıb. 2015-ci ilin martında Çarukyan prezident Serj Sarkisyanla arasında olan fikirayrılığına görə partiyadan istefa verib.
Eldar Tanrıverdiyev
AzVision.az