Dünya əhalisinin 59 faizi Klintonu dəstəkləyir

  18 Oktyabr 2016    Oxunub : 1045
Dünya əhalisinin 59 faizi Klintonu dəstəkləyir
ABŞ prezidentliyinə namizəd Hillari Klinton dünya əhalisinin əksəriyyətinin dəstəyini qazanıb.
AzVision.az APA-ya istinadən xəbər verir ki, “Gallup İnternational” təşkilatı bu il avqustun sonu-sentyabrın əvvəlində keçirdiyi sorğu əsasında bu qənaətə gəlib. H. Klintonun dəstəkləyənlərin əksəriyyəti Qərbi Avropada və Latın Amerikasında yaşayanlardır.

Ümumilikdə sorğuda 45 ölkədən 44200 nəfər iştirak edib. Respondentlərdən ABŞ prezidentliyinə namizəd olan Hillari Klinton və ya Donalt Trampdan hansının seçilməsini istədikləri soruşulub. Sorğu iştirakçılarından 59 faizi Hillari Klintona dəstək ifadə edib. Donald Tramp isə 25 faiz respondentin dəstəyini qazanıb.

Hillari Klinton ən az səsi Aİ-yə daxil olmayan Avropa ölkələrindən alıb. “Gallup” belə ölkələrin siyahısında Azərbaycan, Gürcüstan, Makedoniya və Rusiyanın adını qeyd edib. Bu regionlarda keçmiş dövlət katibi 13 faiz, Donalt Tramp isə 32 faiz dəstək qazanıb.

AzVision.az

Teqlər: