`Çıraqov və digərləri Ermənistana qarşı` işi üzrə konfrans keçirilib
Məruzəçilər öncə Ermənistan-Azərbaycan münaqişəsinin tarixi və hüquqi aspektlərinə diqqəti cəlb edib, Azərbaycanın Dağlıq Qarabağ bölgəsində yaşayan ermənilərin öz müqəddəratlarını nə üçün məhz Azərbaycan daxilində təyin etməli olduqlarına dair fikirlərini bölüşüb, daha sonra konkret məhkəmə işi üzrə tərəflərin təqdim etdiyi dəlilləri və onlara məhkəmənin verdiyi qiyməti, nəhayət, bununla bağlı çıxardığı qərarı təhlil ediblər. Bir daha vurğulanıb ki, məhkəmə təcavüz aktını bilavasitə dəyərləndirmək niyyətində olmasa da, münaqişənin tərəfi kimi ən başlanğıcdan məhz Ermənistanın olduğunu öz qənaətləri ilə təsbit edib. Bundan irəli gələrək, məruzəçilər Ermənistan-Azərbaycan münaqişəsində məhz hərbi işğal faktının baş verdiyini, Azərbaycan torpaqlarının Ermənistan tərəfindən işğal olunduğunu təsdiqləyiblər.
İsveçrənin elmi və siyasi dairələrinin, o cümlədən federal hakimiyyət qurumlarının, Berndə akkreditə olunmuş səfirliklərin nümayəndələrinin, eləcə də İsveçrə universitetlərinin tələbələrinin qatıldığı konfrans interaktiv şəkildə davam edib.
Eldar Tanrıverdiyev
AzVision.az
Teqlər: