Koreya səfiri məcburi köçkünlərlə görüşüb
28 oktyabr tarixində Koreyanın səfiri Kim Çanq-qyu Ulu Öndərin heykəlinin önünə gül qoyduqdan sonra Cəbrayıl rayon icra başçısı cənab Kamal Həsənovla görüşdü. Səfiri Kim və icra başçısı Kamal Həsənov məcburi köçkünlərin ən qısa zamanda öz doğma torpaqlarına qayıtmaları üçün arzularını ifadə etdilər. Tərəflər layihənin Koreya və Azərbaycan arasında dostluq münasibətlərinin inkişafına öz töhfəsini verəcəyinə ümid etdiklərini bildirdilər.
Səfər çərçivəsində cənab səfir şəhid ailəsinə baş çəkmiş və ailəyə təskinlik verib. Ailəyə səfirliyin və Koreyadan olan şirkətlərin hədiyyələri təqdim olunmuşdur. Layihə çərçivəsində 84 nəfərdən ibarət 3-5-ci sinif şagirdlərinin iştirak etdiyi “sehirli nağıl” rəsm müsabiqəsi keçirilib. Şagirdlər Azərbaycan nağılı "Göyçək Fatma" və Koreya nağılı "Şim Çonqun hekayəsi" haqqında təsəvvürlərini rəsmlərdə təsvir etdilər. Daha sonra, şagirdlər Səfirlik, Azərbaycanda fəaliyyət göstərən Koreya şirkəti “Halla” Korporasiyası, “Samsung Engineering” və “LG Electronics” şirkəti tərəfindən məktəbli çantaları, məktəb ləvazimatları və digər hədiyyələrlə mükafatlandırıldılar.
2014-cü ildən etibarən Koreya səfirliyi Azərbaycanda məcburi köçkünlərə dəstək olmaq məqsədilə bir sıra layihələr həyata keçirir.
Eldar Tanrıverdiyev
AzVision.az