Türkiyədə avtobus faciəsi: 23 ölü (Yenilənib)
Yaralanan 11 nəfərdən bəziləri ağır vəziyyətdədir.
Xatırladaq ki, turist avtobusu bu gün yerli vaxtla saat 12:30 radələrində Muğla-Antalya avtomobil yolunda qəzaya uğrayıb.
Qəzanın səbəbləri sırasında sürücünün səhvi, sürət həddinin aşılması, əyləcdə nasazlıq, təkərin partlaması kimi ehtimallar səsləndirilir.
***
Türkiyədə turistləri daşıyan avtobus qəzaya uğrayıb.
AzVision.az-ın "Hürriyet" qəzetinə istinadən verdiyi məlumata görə, hadisə Muğla vilayətinin Marmaris rayonunda baş verib. Belə ki, turistləri daşıyan avtobus Sakar keçidi ərazisində aşıb.
Qəza nəticəsində 17 nəfər ölüb, 13 nəfər yaralanıb. Hadisə yerinə təcili tibbi yardım avtomobilləri və xilasedici briqadalar cəlb olunub.
AzVision.az