Qələndər Muxtarlının dindirilməsi başa çatdı

Qələndər Muxtarlının dindirilməsi başa çatdı
  03 Sentyabr 2013    Oxunub:1068
“İsmayıllı hadisələri zamanı Mehman Kərimli, Tofuq Yaqublu və mən hadisə yerinə ezamiyyətə getmişdik. Həmin gün Tofiq Yaqublu saxlanıldı və polis şöbəsinə aparıldı. Mən də peşə fəaliyyətimlə bağlı proseslərdə iştirak etdiyim üçün şahidi qismində İlqar Məmmədovun və Tofiq Yaqublunun işi ilə əlaqədar Ağır Cinayətlər üzrə İstintaq İdarəsinə çağırıldım”.

Bunu açıqlamasında bir neçə saat ərzində Baş Prokurorluqda dindirilən Milli Şuranın üzvü, "Azadlıq" qəzetinin əməkdaşı Qələndər Muxtarlı deyib.

O, dindirilmə zamanı İsmayıllı hadisələri ilə bağlı izahat verib: “Hadisələr zamanı Tofiq Yaqublunun necə həbs olunması, neçə müddət dindirliməsi, hadisələrin necə baş verməsi haqda gördüklərimi olduğu kimi danışdım. İzahatım bundan ibarət oldu. Çox güman ki, hadisələrin şahidi olan digər şəxslər də prokurorluğa çağırılacaq və ifadələri alınacaq”.( virtualaz.org)


Teqlər:





Xəbər lenti