"Hər şey Putindən asılıdır" - Leonid Kuçma

  22 İyun 2017    Oxunub : 2030
"Hər şey Putindən asılıdır" - Leonid Kuçma
"Minsk protokolunu müzakirələrdə iştirak etməyən şəxslər imzalayıb"

Bu barədə “Avropanın inkişafı: sivilizasiya seçiminin tarixi qanunauyğunluğu” Beynəlxalq forumunda müstəqil Ukraynanın ikinci prezidenti, Ukraynanın Üçtərəfli əlaqə qrupunda nümayəndəsi Leonid Kuçma bildirib.
“Normand formatı, Minsk protokolu... Minskdə dövlət başcılarının dörd nümayəndəsi görüşüb. Merkel – bu, ən fəal şəxsdir, biz buna görə Almaniyaya təşəkkür etməliyik. Olland, Putin və Poroşenko... Sizə sadə sual verim: zəhmət olmasa deyin görüm, onlar niyə bu protokolu imzalamadılar, niyə mətbuat qarşısına çıxıb birgə bəyanat vermədilər? Bəs protokolu kim imzalayıb? Bu protokolun müzakirəsində iştirak etməyən şəxslər. niyə onlar imzalamayıb? Onlar bunun yerinə yetirilməsinə əmin deyildilər? Bəlkə tərəflərdən biri bunun belə olmasında maraqlıdır?”, - Kuçma deyib.

Onun sözlərinə görə, 1992-ci ildə Minskdə Dağlıq Qarabağ üzrə kontakt qrupu yaradılıb.

“Orada “7+2”, bəs biz haradayıq? Nə isə dəyişib? Bu gün məsləhət verilir, gəlin formatı dəyişək və kimisə əlavə edək. Bununla nə isə dəyişəcək? Kəmiyyət heç nəyi dəyişmir. Hər şey yalnız bir insandan – Putindən asılıdır. Avropalıların Rusiyanı güzəşt etməyə məcbur edəcək mexanizmi varmı? Ticarət sanksiyaları. Bəli, bu sanksiyalar Rusiya üçün problemlər yaratdılar. Digər tərəfdən onlar Rusiyanı əmtəə mallarını əvəzləməyə məcbur etdilər”, - Ukraynanın ikinci prezidenti belə hesab edir. (Oxu.az)

AzVision.az

Teqlər: Kuçma   Putin