Azərbaycanlılarla əfqanlar arasında atışma olub? - Yenilənib
"İyulun 2-də gecə saatlarında patrul xidmətinə atışma xəbəri ilə bağlı çağırış daxil olub. Ekipaj üzvləri hadisə yerinə gələn zaman orada heç bir atəş, silah və ya dava izi olmayıb. Gənclər arasında kiçik şifahi münaqişə yaşanıb, elə onların özləri də məsələni aralarında həll ediblər", - A.Marçenko deyib.
Odessa patrul polisinin mətbuat xidmətinin rəhbərinin sözlərinə görə, jurnalistlər münaqişəsi barədə məlumatı "rəngarəngləşdirməyə" çalışıblar.
Xatırladaq ki, daha əvvəl Ukrayna KİV-i Odessada Azərbaycan və Əfqanıstan vətəndaşları arasında atışma olduğunu yazıb.
***
(12:32)
Ötən gün axşam saatlarında Odessada Azərbaycan və Əfqanıstan vətəndaşları arasında silahlı insident olub.
AzVision.az golos.ua-ya istinadən xəbər verir ki, atışmanın səsi şəhərin Azadlıq meydanında eşidilib.
Məlumata əsasən tərəflərin mübahisəsi atışma ilə nəticələnib. Ölən və xəsarət alanlar barədə məlumat verilməyib.
Eldar Tanrıverdiyev
AzVision.az
Teqlər: Ukrayna Azərbaycan Atışma