"Bizim şimalda iki qonşumuz var. Azərbaycan bizim üçün həqiqətən də vacibdir, biz həmin ölkə ilə yaxşı münasibətlərə malikik. Bizim Ermənistanla da dostluq və yaxın qonşuluq münasibətlərimiz var. Tərəflərin münaqişəyə baxışlarının müxtəlifliyi mövcuddur və zaman-zaman gərginlik artır. Biz ümid edirik ki, onlar regionda üzləşdikləri həmin problemləri aradan qaldıra bilərlər"- Bəhram Qasimi deyib.

İran rəsmisi Ermənistan və Azərbaycanın regionda sabitlik və təhlükəsizliyin təsdiqinə kömək edə biləcəyinə ümidvar olduğunu bildirib. Onun sözlərinə görə, Cənubi Qafqazda sülh və sabitlik regiona daha geniş təsir edə bilər.

"Biz bu istiqamətlə regiondakı, xüsusilə bizim sərhəd sektorlarındakı inkişafları izləyirik. Biz sərhədlərimizi izləyirik və ziyanının sərhəd ərzilərin əhalisinə dəyməsinə icazə verməyəcəyik" -deyə Qasimi vurğulayıb.

O, həmçinin qeyd edib ki, bu problemdə hər zaman digər qüvvələrin müdaxiləsi narahatlıqlar yaradıb: "Biz iki ölkə ilə davamlı olaraq danışıqlar, fikir mübadiləsi aparırıq və ümid edirik ki, sonda diplomatik və dialoqlar digər yanaşma və metodlara qarşı üstünlük təşkil edəcək".

Şahin Qocayev
AzVision.az