Ukraynanın dövlət quruculuğu, sosial, elm və texnologiya, iqtisadiyyat, mədəniyyət və təhsil sahələrinin inkişafına, əhəmiyyətli əmək nailiyyətlərinə və yüksək xidmətlərinə görə mükafatlandırılanlar arasında azərbaycanlı heykəltəraş Seyfəddin Qurbanov da var. O, 3-cü dərəcəli “Vətənə xidmətə görə” mükafatına layiq görülüb.
S.Qurbanov açıqlamasında bildirib ki, ona verilən mükafat Azərbaycan dövlətinə, xalqına olan münasibətdən qaynaqlanır: “Ukraynada çalışdığım dövrdən həmişə Azərbaycanın adını uca tutmuşam və bundan sonra da uca tutacağam”.
Qeyd edək ki, S.Qurbanov 1962-ci ildə Naxçıvan Muxtar Respublikasının Siyaqut kəndində anadan olub, Ukraynanın Xalq Rəssamı, Xarkov Dövlət Dizayn və İncəsənət Akademiyasının heykəltəraşlıq kafedrasının müdiri, Xarkov vilayətinin fəxri vətəndaşıdır, Azərbaycanın və xarici ölkələrin çoxsaylı təltiflərinə, o cümlədən “Tərəqqi” medalına layiq görülüb. (AzərTAc)
AzVision.az
Poroşenko azərbaycanlıya yüksək mükafat verdi
25 Avqust 2017
Oxunub:2438
Ukrayna Prezidenti Pyotr Poroşenko ölkənin tanınmış ictimai-siyasi xadimlərinin mükafatlandırılması barədə Fərman imzalayıb.
Vaxtında, Aydın, Lazımlı!
-1708596417.jpg&h=200&w=200&zc=2&q=70)
