Dörd ölkə Qətərin iddialarını rədd edir

17:11   12 Sentyabr 2017    Oxunub: 874
Dörd ölkə Qətərin iddialarını rədd edir

Səudiyyə Ərəbistanı Krallığı, Birləşmiş Ərəb Əmirlikləri dövləti, Bəhreyn Krallığı və Misir Ərəb Respublikası vurğulayırlar ki, Qətər xarici işlər naziri Məhəmmədin bin Əbdürrəhman Al Taninin İnsan Hüquqları Şurası qarşısında etdiyi çıxış, Qətərin böhranın həqiqəti ilə bağlı beynəlxalq ictimai rəyi azdırmaq cəhdini əks etdirir.

Bu barədə Səudiyyə Ərəbistanın Bakıdakı səfirliyindən AzVision.az-a daxil olan məlumatda bildirilir.

Birləşmiş Ərəb Əmirliklərinin Birləşmiş Millətlər Təşkilatında və digər beynəlxalq təşkilatlarda daimi nümayəndəsi səfir Ubeyd Salim əz-Zəabi tərəfindən İnsan Hüquqları Şurasının 36-cı sessiyasında təqdim etdiyi birgə bəyanatda dörd dövlət qeyd edir: "Qətər nazirinin öz hökumətinin dialoqa hazır olduğu iddia etməsi, onun öz aqressiv siyasətini dəyişdirmədən beynəlxalq ictimaiyyət və ictimai rəy qarşısında imicini yaxşılaşdırmaq cəhdidir".

Bəyanatda sonra deyilir:

Birləşmiş Ərəb Əmirlikləri, Səudiyyə Ərəbistanı Krallığı, Bəhreyn Krallığı və Misirin Ərəb Respublikası, Qətər Dövlətinin xarici işlər nazirinin bəyanatında faktların saxtalaşdırılması cəhdinə cavab vermək haqqından istifadə edərək bildirirlər ki, bu Qətərin siyasi böhranın həqiqəti ilə bağlı beynəlxalq ictimaiyyət və ictimai rəyi davamlı azdırmaq cəhdini əks etdirir. Bundan əlavə o, terrorizm, ekstremizm və nifrətçilik yayan çıxışları dəstəklənməsi və maliyyələşdirməsi, pozuculuq salması, dövlətlərin daxili işinə qarışması faktını inkar etmək siyasətini yürüdür.

Əksinə Qətər xarici işlər nazirinin iddia edir ki, guya onlar insan hüquqları və xalqların öz müqəddəratını təyin etmə haqqına tərəfdardırlar. Bu bir daha təsdiq edir ki, Qətər xarici işlər naziri tərəfindən hökumətinin dialoqa hazır olmasına dair etdiyi iddialar, aqressiv siyasətlərini dəyişdirmədən dünya ictimaiyyəti və beynəlxalq ictimai rəy qarşısında öz imicini yaxşılaşdırmaq cəhdidir. Qətərin yanlışlıq yaymaq cəhdindən heç beynəlxalq qurumlar da qurtulmamışdır. Bunun nəticəsidir ki, 30 iyun 2017-ci il tarixində İnsan Hüquqları üzrə Ali Komissarın Bürosu Qətər mətbuatında yayılan yanlış hesabatlara görə dərin təəssüf hissi bildirən bəyanat vermişdir.

Biz Qətərin bir çox illərdir sistematik şəkildə radikal ideologiyalara və terrorizm ideyalarına dəstək verməyinə, zorakılığa rəvac verməyinə və nifrət təbliğ edən çıxışları yaymağına son qoyulması zərurətini vurğulayırıq. İyirmi ildir Qətər ekstremizm və terrorizmi dəstəkləyən bir platforma quraraq, terror ideologiyasının təşviqi ilə məşğul olmuş və bu ideologiyaya qulluq edən və bəziləri artıq beynəlxalq terrorizm siyahısında olan şəxsləri maliyyə dəstəyi, təhlükəsiz sığınacaq ilə təmin etmişdir. Həmin şəxslərin terror fəaliyyətinin təsiri bölgənin bir çox hökumətləri və xalqlarını əhatə etmiş, eləcə də onun xaricində yerləşən digər ölkələrin xalqlarına qədər gedib çıxmışdır. Buna ən gözəl misal, Yaxın Şərqdən kənarda yerləşən bir qrup qardaş və dost ölkələrin Qətərə qarşı oxşar tədbirləri görməsidir.
Biz vurğulayırıq ki, terrorizm məlum bir anlayışdır. Silah və partlayıcı maddələr daşıyaraq, günahsız vətəndaşları qorxudan hər kəs terroristdir. Eyni zamanda, bu işə təhrik edən, dəstək verən, maliyyələşdirən və təhlükəsiz sığınacaq verənlərin hamısı onların tayıdır. Bu da beynəlxalq ictimaiyyətin terrorizmlə mübarizədə beynəlxalq səylərinə zidddir.

Qətərin xarıcı işlər naziri gərək bu beynəlxalq platformadan istifadə edərək, Şuramız qarşısında əsassız iddialar və ittihamlar səsləndirmək əvəzinə, ölkəsinin terrorizmə dəstək verməyə son qoyacağına əməl edəcəyini bəyan edərdi. Belə ki, Qətərın "blokadası" kimi bir şey yoxdur. Onun dəniz, hava və torpaq limanları boykotçu ölkələrdən başqa bütün ölkələr üçün açıqdır. Həmin ölkələr bu addımı mövcud vasitələrin tükənməsindən, uzun illər boyu Qətərin mehriban qonşuluq prinsipinə uyğun gəlməyən siyasətinə səbir etdikdən sonra onun düşmən siyasətinin qarşısında öz suveren hüquqları çərçivəsində atmışdılar.

Qətər xarici işlər nazirinin Şura qarşısında boykotun təsirləri haqqında danışdığı halda, Qətər qurumları dörd ölkənin gördüyü tədbirlərin heç bir təsiri olmadığı və həyatın təbii axarında cərəyan etdiyindən ağız dolusu danışır. Bu, rəsmi Qətər və onun qurumlarının qəbul etdiyi böyük ziddiyyətləri ortaya qoyur. Amma həmin qurumlar qarışıq ailələr və qardaş Qətər xalqlarının humanitar vəziyyəti ilə bağlı ölkələrimizin qəbul etdiyi qərarları tamamilə görməməzliyə vururlar.

Sonda qətərli nazirin çıxışında müdrikliyin olmamasından təəssüflənirik. Çünki həmin çıxışında qardaş Küveyt dövlətinin Əmirinin yüksək dəyər verdiyimiz vasitəçilik səylərinə müsbət davranış sərgiləmək üçün səmimi niyyətin olması görünmür. Həmçinin bu çıxış Qətərin aqressiv siyasətlərindən zərər çəkən dörd dövlət, eləcə də digər dövlətlərin narahatlığına anlayış göstərmək üçün həqiqi hazırlığı əks etdirmir.

Eldar Tanrıverdiyev
AzVision.az

Teqlər: Qətər    




Rubrikanın digər yazıları