Rusiyada daha bir azərbaycanlı qətlə yetirildi

Rusiyada daha bir azərbaycanlı qətlə yetirildi
  13 Sentyabr 2017    Oxunub:4111
Sank-Peterburq yaxınlığında yerləşən Novoe Devyatkino kəndində siqaret çəkməyə çıxan azərbaycanlı güllələnib. Bu barədə AzVision.az Rusiya KİV-nə istinadən xəbər verir.
Hadisə şahidlərinin sözlərinə görə, onlar 5 atəş səsi eşidiblər. Azərbaycan vətəndaşı olan şəxs dərhal Toksovski xəstəxanasına aparılsa da onun həyatını xilas etmək mümkün olmayıb.

Rusiya polisinin apardığı araşdırmalar nəticəsində hadisəni törətməkdə şübhəli bilinən 47 yaşlı şəxs saxlanılıb. Ondan “Sayqa” markalı karabin götürülüb.

İlkin ehtimallara əsasən o beş dəfə atəş açıb. Cinayətin motivi araşdırılır.

Silahın polisdə qeydiyyatda olduğu bildirilir. Rusiya KİV-i yazır ki, qətlə yetirilən şəxs sentyabrın 12-i qohumlarının evinə qonaq gəlib.

Faktla bağlı cinayət işi açılıb.

Eldar Tanrıverdiyev
AzVision.az



Teqlər: Rusiya   Azərbaycan  





Xəbər lenti