AzVision.az-ın məlumatına görə, bunu iqtisadçı-ekspert Vüqar Bayramov deyib. Ekspert hesab edir ki, dolların aparıcı valyutalara nisbətən dəyərsizləşməsi neftin qiymətinin yüksəlməsinə təsir edən faktorlardan hesab edilir:

“Qlobal hasilatın azalması daha çox Liviyadakı sosial narazılıqla bağlı olsa da, OPEK-in hasilatı azaltması siyasətini davam etdirməsi müşahidə edilməkdədir. Belə ki, OPEK avqust ayında əvvəlki ayla müqayisədə gündəlik hasilatı 30.113 milyon bareldən 30.004 milyon barelədək azaldıb və təşkilat hasilatın azaldılması ilə bağlı gələn ilin martında müddəti bitəcək anlaşmanın zamanını uzatmaqla bağlı artıq indidən danışıqlara başlayıb. Bununla belə, hələlik neftin dünya bazarında kəskin qiymət artımları proqnozlaşdırılmır”.

V.Bayramov qeyd edib ki, ABŞ-da qasırğanın ziyan vurduğu quyularda neft hasilatı yenidən bərpa edilir: “Həftə ərzində Birləşmiş Ştatların əvvəlki hasilatı bərpa edəcəyi gözlənilir. Bu isə o deməkdir ki, son həftələr yüksələn neftin dünya bazar qiymətinin yenidən aşağı düşəcəyi daha çox ehtimal olunandır. Neftin bir barelinin qiymətinin 50 dollar intervalında dəyişməsinin OPEK üçün də məqbul olduğunu nəzərə alsaq, şirkətlər indi kəskin qiymət artımları deyil, mövcud qiymət səviyyəsini qorumaqda daha maraqlıdırlar”.

AzVision.az