İrəvanda müstəqillik günü tədbirində qalmaqal düşdü - VİDEO

  22 Sentyabr 2017    Oxunub : 3722
İrəvanda müstəqillik günü tədbirində qalmaqal düşdü - VİDEO

Ermənistanın müstəqillik günü ilə əlaqədar dövlət rəsmilərinin İrəvanda yerləşən "Yerablur" məzarlığına ziyarəti qalmaqala səbəb olub.

AzVision.az
erməni KİV-lərinə istinadən xəbər verir ki, etiraz edən bir qrup qadın “Yerkrapah” könüllülər ictimai təşkilatının rəhbəri, general Manvel Qriqoryanın qarşısını kəsiblər.

Onlar problemlərin həlli və xəstə olan keçmiş hərbi qulluqçu övladlarının müalicəsi üçün pul tələb ediblər.

Aclıq və səfalətdən əziyyət çəkən ermənilər məmurlarda pul qoparmağa çalışıblar. Manvel Qriqoryan bəzilərinin şikayətini qulaqardına vurub, bəzilərini isə susdurmaq üçün pul verib.

Ərazidə olan digər rəsmi şəxslərdən də şikayətçilərin tələbləri olub. Belə məqamda hərbi geyimdə olan bir qadın şikayətçiləri təpikləməyə və onları təhqir etməyə başlayıb.

Dövlət rəsmiləri həmin qadını ərazidən uzaqlaşdırmaqla vəziyyəti sakitləşdirməyə çalışıblar. Həmin görüntüləri lentə alan jurnalistlərə isə etirazlarını bildiriblər.



Alpər Mövludoğlu
AzVision.az

Teqlər: Ermənistan   İrəvan