Məmmədyarov GUAM-Yaponiya görüşündə iştirak edib

  22 Sentyabr 2017    Oxunub : 755
Məmmədyarov GUAM-Yaponiya görüşündə iştirak edib

Xarici işlər naziri Elmar Məmmədyarov BMT Baş Assambleyasının 72-ci sessiyası çərçivəsində keçirilmiş GUAM-Yaponiya Nazirlər Şurasının iclasında iştirak edib. Bu barədə Xarici İşlər Nazirliyindən AzVision.az-a daxil olan məlumatda bildirilir.

İclasın yekunu olaraq, “GUAM-Yaponiya Mətbuat Açıqlaması” qəbul edildi. Mətbuat açıqlamasında tərəflər BMT Nizamnaməsində əks olunmuş prinsiplər də daxil olmaqla, beynəlxalq hüququn hamılıqla qəbul edilmiş norma və prinsipləri, xüsusilə dövlətlərin suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığına hörmət prinsipləri bir daha təsdiq etdilər.

Həmçinin, tərəflər regional və beynəlxalq müstəvilərdə sülh, təhlükəsizlik və sabitliyin təmin olunması məqsədi daşıyan GUAM-Yaponiya əməkdaşlığının əhəmiyyətini vurğuladılar və ticarət və sərmayə qoyuluşu, enerji, fövqəladə hallar, turizm, nəqliyyat, mədəniyyət, kənd təsərrüfatı, səhiyyə və ətraf mühit sahəsində əməkdaşlığın daha da genişləndirilməsi və dərinləşdirilməsi üçün yeni layihələrin icrasının vacibliyini qeyd etdilər.

Eldar Tanrıverdiyev
AzVision.az

Teqlər: Məmmədyarov   GUAM