Amerikalı diplomat Türkiyə XİN-ə çağırıldı – Qalmaqal böyüyür
AzVision.az xəbər verir ki, bu barədə "Haber7"yə Türkiyə Xarici İşlər Nazirliyindən bildirilib.
Qeyd edək ki, bu gün Türkiyə və ABŞ arasında qeyri-immiqrasiya vizalarının qarşılıqlı verilməsi prosesi tam dayanıb. Tərəflər arasında diplomatik qalmaqal ötən həftə Türkiyədə ABŞ konsulluğunun əməkdaşı Metin Topuzun saxlanılmasından sonra baş verib. Rəsmi Ankara onu ötən il Türkiyədə baş verən dövlət çevrilişi cəhdinin təşkilində ittiham olunan Fətullah Gülənlə əlaqədə şübhəli bilir. Lakin rəsmi Vaşinqton ittihamları qəbul etməyib.
Diplomatik qalmaqal birjaya dərhal öz təsirini göstərib və Türkiyə lirəsinin ucuzlaşmasına səbəb olub. Milli valyuta bir gündə dollara və avroya nisbətdə 3 faiz dəyər itirib.
Qeyri-immiqrasiya vizaları turistlərə, həmçinin ölkəyə müalicəyə, biznes səfərlərinə, müvəqqəti işləməyə və ya təhsil almağa gələn xarici ölkə vətəndaşlarına verilir.
Eldar Tanrıverdiyev
AzVision.az