Erməni oliqarx əsgərlərin hesabına varlanır
Erməni ictimaiyyətini Yerikyanın əslində cəbhə xəttində dayanan erməni əsgəri üçün nə etməsi, 18-20 yaşlı erməni əsgərlərinin hesabına onun şirkətinin hansı şəkildə varlanması maraqlandırır. İrəvan sakinlərinin sözlərinə görə, bu məsələ İrəvan şəhər meri Taron Marqaryanı narahat etmir. Çünki, onlar cəbhə xəttini görməyib, sərhəddən çox uzaqdadırlar və ən əsası orada olan erməni əsgəri onun qohumu deyil.
Erməni KİV-lərinin məlumata görə, işğal altında olan Qarabağda qanunsuz fəaliyyət göstərən “Qarabağ-Telekom” və Ermənistanın “Vivacell-MTS” əslində eyni şirkətlərdir. Bu fakt şirkətin özü-özünə rominq xidməti tətbiq etməsi deməkdir. Bu baxımdan aparılan əməliyyat qanunla cinayət hesab olunmaqla yanaşı, həmçinin mənəvi məsələ kimi dəyərləndirilir. Əsgər anaları hesab edirlər ki, cəbhədə olan övladları Yerikyanın biznesinin inkişafı üçün öz həyatlarını təhlükəyə atırlar.
Yerikyanın rəhbərlik etdiyi şirkət erməni əsgəri və onların valideynləri hesabına pul qazanır. Səbəbi işğal altında olan Qarabağın başqa bir “dövlət” kimi qeyd edilməsidir. Burada belə bir sual ortaya çıxır: Əgər Qarabağ ayrı “dövlətdirsə” o zaman 18-20 yaşlı Ermənistan vətəndaşlarının hərbi geyimdə və silahlı olaraq qanunsuz bölgədə nə işləri var və yaxud nəyə görə, qondarma qurumun pul vahidi Ermənistan dramı, seperatçıların şəxsiyyət vəsiqələri isə Ermənistan vəsiqəsidir?!
Alpər Mövlüdoğlu
AzVision.az
Teqlər: Ermənistan