Yeqanyan erməni hərbçiləri aşağıladı: “Geylər sizdən daha hörmətlidir”

  16 Oktyabr 2017    Oxunub : 3020
Yeqanyan erməni hərbçiləri aşağıladı: “Geylər sizdən daha hörmətlidir”

Ermənistan əhalisi işğal altında olan Qarabağda getdikcə artan əsgər ölümlərinə fərqli reaksiya verməyə başlayıb. Təəccüblüdür ki, bəzi sakinlər Ermənistan ordusunda baş verən ölüm hadisələrinə sevinir və homoseksualların əsgərlərdən üstün olduğunu hesab edir.

Ani Yeqanyan adlı fəalın “Facebook” səhifəsində yazdığı status Ermənistan əhalisi və ordusu arasında "birliyin" hansı səviyyədə olduğunu təsdiqləyir.

"Sizin kimi yalançı vətənpərvərdənsə, çoxlu sayda gey tanışlarım var ki, əxlaqi baxımdan min dəfə ləyaqətli və hörməti adamlardır. Bəs siz kimsiniz? Hakimiyyət tərəfindən aldadılan yazıq və istismar edilən qullarsınız. Orduya gəldikdə isə sizə bildirim ki, hər gün sizin kimi düşünən heyvanların gəbərdiyinə görə çox sevinirəm"- deyə Ani Yeqanyan bildirib.

Erməni qızın yazdığı status Sarkisyan hakimiyyətinin "Xalq-Ordu" prinsipinin əslində hansı əsaslara söykəndiyini sübut edir.



Alpər Mövludoğlu
AzVision.az

Teqlər: Ermənistan