Kaladze Tbilisi meri seçildi

  21 Oktyabr 2017    Oxunub : 1268
Kaladze Tbilisi meri seçildi

Gürcüstanda keçirilən bələdiyyə seçkiləri artıq başa çatıb.

AzVision.az TASS-a istinadən xəbər verir ki, saat 08:00-da başlayan səsvermə 20:00-da yekunlaşıb. Seçkilər ümumilikdə 3644 seçki məntəqəsində keçirilib.

Gürcüstan Mərkəzi Seçki Komissiyasının məlumatına görə, seçkilər dinc şəraitdə keçib, ciddi qanun pozuntusu qeydə alınmayıb.

İlkin nəticələrinə görə, “Gürcü arzusu” partiyası 58 faiz səs toplayıb.

Tbilisi meri vəzifəsinə hakim “Gürcü Arzusu” Partiyasının namizədi Kaxa Kaladze 54 faiz səslə liderlik edir. Gürcüstanın baş naziri Giorgi Kvirikaşvili Kaxa Kaladzeni Tbilisi meri vəzifəsinə seçkilərdə qələbə münasibətilə təbrik edib.

AzVision.az

Teqlər: Gürcüstan   Kaladze