Monteneqro Azərbaycandan qaz almaq istəyir

  02 Noyabr 2017    Oxunub : 755
Monteneqro Azərbaycandan qaz almaq istəyir

"Azərbaycanla Monteneqro arasında əlaqələr yüksək səviyyədədir"

AzVision.az xəbər verir ki, bunu Azərbaycanın xarici işlər naziri Elmar Məmmədyarov Bakıda Monteneqronun XİN rəhbəri Sercan Darmanoviçlə görüşü zamanı bildirib.

Məmmədyarov deyib: "Ölkələrimiz arasında əlaqələr yüksək səviyyədədir. Prezidentlər qarşılıqlı səfərlər ediblər. Mən monteneqrolu həmkramı Dağlıq Qarabağ münaqişəsinin nizamlanması barədə məlumatlandırdım. Monteneqro BMT, ATƏT, NATO kimi təşkilatlarda münaqişə ilə bağlı Azərbaycanın mövqeyini dəstəkləyir. Ölkələrimiz arasında 15 sənəd imzalanıb, daha 4 sənəd isə hazırda nəzərdən keçirilir. Enerji sahəsində məsələləri müzakirə etdik. Monteneqro Azərbaycan qazını əldə etməkdə maraqlıdır. Nəqliyyat və turizm sahəsində də əməkdaşlıq üçün çox yaxşı potensial var. Azərbaycanla Monteneqro arasında dostluq münasibətləri davam etdirilir. Siyasi baxımından çox yüksək səviyyədə olan əlaqələri iqtisadi səviyyəyə çatdırmaq istəyirik".

Eldar Tanrıverdiyev
AzVision.az

Teqlər: XİN   Məmmədyarov