Səməd Seyidov xarici ezamiyyə xərclərinin artırılması istəyir

  08 Noyabr 2017    Oxunub : 478
Səməd Seyidov xarici ezamiyyə xərclərinin artırılması istəyir

Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov xarici ezamiyyə xərclərinin həcminin artırılması təklif edib.

AzVision.az xəbər verir ki, komitə sədri belə təkliflə Milli Məclisin Beynəlxalq münasibətlər və parlamentlərarası əlaqələr, Əmək və sosial siyasət, Elm və təhsil, Səhiyyə, Ailə, qadın və uşaq məsələləri komitələrinin birgə iclasında 2018-ci il üzrə Azərbaycanın dövlət büdcəsinin layihəsinin müzakirəsi zamanı çıxış edib.

S.Seyidov bildirib ki, son dövrlərdə beynəlxalq münasibətlər sahəsində fəaliyyət göstərənlərin sayı artmaqdadır, ona görə də xarici ezamiyyə məsələsinə yenidən baxılaraq, onun həcminin artırılmasına ehtiyac var. Komitə sədrinin sözlərinə görə, diplomatların maaşlarında dürüstləşmə aparılacaq.

Elvin Abdulqədirov
AzVision.az

Teqlər: Səməd-Seyidov