Erməni boksçunun hərbi hissədəki “qaydasız döyüşləri”

  18 Noyabr 2017    Oxunub : 7007
Erməni boksçunun hərbi hissədəki “qaydasız döyüşləri”

Ermənistan silahlı qüvvələrində xidmətə çağrılan boksçu Qoro Gözəlikyan tank bölüyündə artıq xeyli “məşhurlaşıb”. O, hər cüzi məsələ üstündə əsgər yoldaşlarını döyür.

AzVision.az erməni mətbuatına istinadən xəbər verir ki, digər əsgər gözünün odunu alan Q.Gözəlikyan artıq özünün “qaydasız döyüş yarışlarına” başqa bölmələrin əsgərlərini cəlb edib. Bu günlərdə onun “qəhrəmanlığı” səbəbindən başqa bölükdə xidmət edən hərbi qulluqçu Qaqik Nersesyan hərbi hospitala düşüb.

Q.Gözəlikyanın döyərək ağır bədən xəsarətləri yetirdiyi əsgərin ailəsi şikayət etməsin deyə, Q. Nersesyanın valideyinlərinə hadisə ilə bağlı məlumat heç bir verilməyib.

Məlumata görə, artıq bölüyün əsgərləri Qoronun əlindən təngə gəliblər və tezliklə ya onun xidmətini davam etdirmək üçün başqa yerə keçirilməsini, ya da həbs edilməsini tələb edirlər.

AzVision.az

Teqlər: Ermənistan