Saad Hariri yaxın günlərdə Beyruta qayıdacaq

  18 Noyabr 2017    Oxunub : 297
Saad Hariri yaxın günlərdə Beyruta qayıdacaq

Livanın istefa verən Baş nazir Saad Hariri yaxın günlərdə Beyruta qayıdacağını təsdiqləyərək, orada öz gələcək addımlarını rəsmən açıqlayacağını bəyan edib.

TASS-ın verdiyi xəbərə görə, Hariri bunu jurnalistlərə Yelisey sarayında Fransa Prezidenti Emanuel Makronla görüşünün yekunları barədə danışarkən bildirib. “Livanda siyasi vəziyyətə gəlincə, mən yaxın günlərdə Beyruta gedəcəyəm, müstəqilliyimizin bayram olunmasında iştirak edəcəyəm, məhz orada respublikamızın prezidenti, general Mişel Aunla görüşdükdən sonra bütün mövzular üzrə öz mövqeyimi elan edəcəyəm”, - Saad Hariri belə deyib.

Ailəsi ilə birlikdə Ər-Riyaddan Parisə gələn Hariri Fransa Prezidenti Emanuel Makrona dəvətə və dəstəyə görə xüsusi minnətdarlığını ifadə edərək deyib ki, bu dostluq jestini heç vaxt unutmayacaq.

Xatırladaq ki, Livanın Baş naziri Saad Hariri noyabrın 3-də Səudiyyə Ərəbistanına səfərə getmiş və orada gözlənilmədən öz postundan istefa verdiyini elan etmişdi.

AzVision.az

Teqlər: Liva