Rusiya yeni “İskəndər” raketini sınaqdan keçirdi - VİDEO

  18 Noyabr 2017    Oxunub : 8307
Rusiya yeni “İskəndər” raketini sınaqdan keçirdi - VİDEO

Kollektiv Təhlükəsizlik Müqaviləsi Təşkilatının (KTMT) Tacikistanda baş tutmuş təlimlərində “İskəndər-M” yeni ballistik raket kompleksi sınaqdan keçirilib.

Bu barədə videonu şəbəkədə “Zvezda” telekanalı yerləşdirib. Raket 130 kilometrdən uzaq məsafədə yerləşən obyektə Lyaur poliqonundan buraxılıb. Bunu Rusiyanın Mərkəzi hərbi dairəsinin komandanının köməkçisi, polkovnik Yaroslav Roşşupkin deyib. Hədəf rolunu oynayan şərti terrorçu düşərgəsi məhv edilib.

Roşşupkinin sözlərinə görə, bu sınaq raketin daha dəqiq və düşmən tərəfindən daha çətin aşkarlanması xüsusiyyətlərini təsdiq edib. Qeyd olunur ki, raket hədəfdən təxminən 10 metr yayınıb.



AzVision.az

Teqlər: Rusiya   İskəndər