Amerikalı diplomat azərbaycanlıları zorakılığa qarşı mübarizəyə çağırdı

Amerikalı diplomat azərbaycanlıları zorakılığa qarşı mübarizəyə çağırdı
  24 Noyabr 2017    Oxunub:1404
"İlk dəfə qadına seçmək və seçilmək hüququ verən müsəlman ölkəsində də qadınlara qarşı zorakılıq halları baş verir. 2015-2016-ci ildə Azərbaycanda qadınlara qarşı zorakılıqla bağlı 1688 fakt qeydə alınıb. Nəticədə 43 qadın qətlə yetirilib"
AzVision.az xəbər verir ki, bunu ABŞ-ın Azərbaycandakı səfirinin müavini Uilyam Gill Bakıda “Heç kim kənarda qalmasın: Qadınlara və qızlara qarşı zorakılığa son” adlı konfransda çıxışı zamanı deyib.

Səfir müavini bildirib ki, qeydə alınan zorakılıq halları ilə yanaşı, qeydə alınmayanlar da var.

"Gender əsaslı zorakılıq təkcə qızların şərəfinə toxunmur, cəmiyyətə təsir edir. Qadınlara qarşı zorakılıq nəsillərin pozulmasına, gəlirlərin azalmasına səbəb olur".

Diplomat bildirib ki, gender əsaslı zorakılıq təkcə qadınların və qızların sağlamlığına, ləyaqətinə və təhlükəsizliyinə təsir etmir, həm də bütün cəmiyyətləri təhdid edir: "Bu, zorakılıq dövrünü şiddətləndirir və iqtisadi inkişafa mane olur. Biz yalnız zorakılığa qarşı ayağa qalxdıqda və dözülməz hal alanda zorakılığa son qoyula bilər. Bizim analarımız, bacılarımız, qızlarımız tam qiymətləndirildikdə və cəmiyyətdə tam şəkildə iştirak edə bildikdə zorakılıq bitə bilər".

Aytən Zəhra
AzVision.az


Teqlər: ABŞ  





Xəbər lenti