“Bakıda maşın sürmək əyləncəlidir” - Rikkardo

  30 Noyabr 2017    Oxunub : 675
“Bakıda maşın sürmək əyləncəlidir” - Rikkardo

"Azərbaycan Qran-Prisi dünyanın ən ecazkar traslarından biridir"

AzVision.az xəbər verir ki, bunu Bakıda səfərdə olan 2017-ci il Azərbaycan Qran-Prisinin qalibi, məşhur pilot Daniel Rikkardo bildirib.

O, ötən gün Azərbaycan mətbəxinin incilərindən daddığını deyib. Pilot, həmçinin Bakıya səfəri zamanı qələbə qazandığı trekdə gəzintiyə çıxıb.

"Bakı trası eniş-yoxuşludur. Ona görə də bir səhv sizi yarışdan kənarlaşdıra bilər. Bakıda "Formula-1" maşınlarını sürmək olduqca əyləncəlidir. Bakı trasında ehtiyatı, ayıq-sayıqlığı itirməməlisiniz. Bakı trasının ən xoşuma gələn tərəflərindən biri də burada təkərlərin çox yanmamasıdır. Əminəm ki, 2018-ci il şəxsən mənim və komandam üçün daha yaxşı olacaq",

Daniel Rikkardo, eyni zamanda "Formula-1"in yeni logosuna münasibət bildirib: "Əslində, ilk dəfə bunu görəndə heç gülmədim. Lakin heç də hamı dəyişiklikləri sevmir".

Eldar Tanrıverdiyev

Teqlər: F1