Dövlət klinikaları pullu olmayacaq

  02 Dekabr 2017    Oxunub : 1064
Dövlət klinikaları pullu olmayacaq

“Səhiyyə Nazirliyinin nəzdində olan bütün dövlət klinikaları pulsuz olaraq fəaliyyət göstərəcək. Onlar publik hüquqi şəxs olmayacaqlar”.

Bunu AzVision.az-a açıqlamasında Milli Məclisin Səhiyyə komitəsinin sədr müavini, deputat Musa Quliyev deyib.

Millət vəkili bildirib ki, universitet xəstəxanaları publik hüquqi şəxsə çevriləcəklər: “Xəstəxanaların publik hüquqi şəxsə çevrilmələri prosesi davam edir. Tibb Universitetinin Terapevtik və Cərrahiyə korpusları artıq publik hüquqi şəxs statusu alıblar. Rayonlardakı diaqnostik mərkəzlər də eyni statusa malik olacaqlar. Həmin xəstəxanalar artıq dövlət büdcəsindən ayrılmalar olmadan öz büdcələrini formalaşdıracaqlar”.

Aytən Zəhra
AzVision.az

Teqlər: Musa-Quliyev   Klinika