İran XİN: "ABŞ-ın qərarını qətiyyətlə pisləyirik"

  07 Dekabr 2017    Oxunub : 519
İran XİN: "ABŞ-ın qərarını qətiyyətlə pisləyirik"

İranın Xarici İşlər Nazirliyi Qüdsün ABŞ tərəfindən İsrailin paytaxtı kimi tanınması barədə qərarı qətiyyətlə pisləyib və bu addımı beynəlxalq qətnamələrin pozulması kimi dəyərləndirib.

AzVision.az“TASS”-a istinadən xəbər verir, bu barədə İran XİN bəyanat yayıb.

İran XİN-in yaydığı bəyanatda qeyd olunub ki, müsəlmanların ilk qibləsi Məscid-Əqsanın yerləşdiyi Qüds şəhəri Fələstinin ayrılmaz parçasıdır və müsəlmanlar üçün xüsusi əhəmiyyəti var:

"İran İslam Respublikası Fələstin xalqı ilə həmrəy olduğunu bildirir, bir daha beynəlxalq ictimaiyyəti, xüsusilə BMT-nin Fələstinin və Qüdsün işğalına son qoymaq üçün əməli addımlar atmağa çağırır", - bəyanatda vurğulanıb.

Eldar Tanrıverdiyev
AzVision.az

Teqlər: İran   Qüds