Moskvada erməni deputatları saymırlar - İrəvan narazıdır
AzVision.az erməni KİV-lərinə istinadən xəbər verir ki, Rusiyada erməni deputatlara münasibət İrəvanda narazılıq yaradıb. “Yelk” fraksiyasının nümayəndəsi Sasun Mikayelyan bildirib ki, Moskva aeroportunda erməni deputatlarla bağlı qalmaqala cavabdeh şəxs Edvard Nalbandyandır.
Erməni spiker Ara Babloyan və digər 104 deputatın diplomatik pasportu var. Yəni hava limanı əməkdaşlarının onlara qarşı sadə vətəndaşlara tətbiq edilən kimi davranmağa ixtiyarı yoxdur.
"Xaricdə erməni diplomatik pasportlarına bu cür münasibət bəslənirsə, bunu görməzdən gəlmək olmaz. Ermənistan cəmiyyəti diplomatik pasportlara qarşı edilən hörmətsizlikdən xəbərdar olmalıdır, bu hörmətsizliyə səbəb, son vaxtlar diplomatik pasportların kimə gəldi yerli-yersiz verilməsidir"- deyə bildirilib.
Ermənistan XİN-nin müavini Şavarş Köçəryan baş verənlərin qəbuledilməz olduğunu deyib.
Alpər Mövludoğlu
AzVision.az
Teqlər: Ermənistan Moskva Rusiya Deputat