“Bu qərar bizə təsir etmədi” - Netanyahudan Qüds açıqlaması

  14 Dekabr 2017    Oxunub : 2153
“Bu qərar bizə təsir etmədi” - Netanyahudan Qüds açıqlaması
İsrailin baş naziri Binyamin Netanyahu İslam Əməkdaşlıq Təşkilatının (İƏT) Qüds məsələsi ilə bağlı İstanbulda keçirilən fövqəladə Zirvə toplantısının yekun Bəyannaməsində Şərqi Qüdsün Fələstinin paytaxtı elan olunmasına münasibət bildirib.

AzVision.az-ın məlumatına görə, Netanyahu bu qərarın təsirsiz olduğunu deyib.
“Bu qərar bizə təsir etmədi. Sonda həqiqət qalib gələcək və bir çox ölkə Qüdsü İsrailin paytaxtı olaraq tanıyaraq, səfirliklərini bu şəhərə köçürəcək”, - baş nazir bildirib.

Netanyahu Qüdsün İsrailin paytaxtı olduğunu və bu şəhərdə bütün inanclı insanlara ibadət azadlığı verildiyini qeyd edib: “Fələstinlilər bu həqiqəti qəbul edərək, radikal mövqe əvəzinə sülh üçün çalışsa, daha yaxşı olar”.

Kənan Məmmədov
AzVision.az

Teqlər: Qüds   İsrail