“Azərbaycanda özümüzü yad hiss etmirik” - İranın XİN rəhbəri (FOTO)

  18 Dekabr 2017    Oxunub : 1821
“Azərbaycanda özümüzü yad hiss etmirik” - İranın XİN rəhbəri (FOTO)
İranın xarici işlər naziri Məhəmməd Cavad Zərif bu ölkədə səfərdə olan Naxçıvan Muxtar Respublikasının Ali Məclisinin sədri Vasif Talıbovla görüşüb.

AzVision.az-ın “İRNA” agentliyinə istinadən verdiyi xəbərə görə, görüş zamanı Zərif qeyd edib ki, İran və Azərbaycan xalqı hər iki ölkədə özlərini evdəki kimi hiss edir və heç vaxt özlərini xarici vətəndaş kimi hiss etmirlər.
XİN rəhbərinin sözlərinə görə, İran Naxçıvan Muxtar Respublikası ilə əlaqələrin genişlənməsi və dərinləşməsində maraqlıdır və onun ölkəsi dəmiryolu, infrastruktur, kənd təsərrüfatı, bu sahədə birgə istehsal və elektrik enerjisinin istehsalı kimi layihələrdə maraqlıdır.

Naxçıvan Muxtar Respublikasının Ali Məclisinin sədri isə eyni zamanda bildirib ki, Muxtar Respublika elektrik enerjisi, turizm və nəqliyyat sahələrində İranla əməkdaşlığı genişləndirməyə hazırdır.










Eldar Tanrıverdiyev
AzVision.az

Teqlər: İran   Zərif