`Putin heç vaxt vədinə xilaf çıxmayıb`

  26 Sentyabr 2013    Oxunub : 456
`Putin heç vaxt vədinə xilaf çıxmayıb`
Bill Klinton Rusiya prezidenti Vladimir Putinlə bağlı maraqlı açıqlama verib.
AzVision.az Rusiya mətbuatına istinadən xəbər verir ki, ABŞ-ın keçmiş prezidenti Bill Klinton söyləyib ki, Rusiya prezidenti Vladimir Putinə etibar etmək olar.

“O həmişə verdiyi sözü tutub. Vladimir Putin çox ağıllıdır, bizim həmişə gözəl münasibətlərimiz olub” – CNN-ə müsahibəsində Klinton vurğulayıb.

Rusiya prezidentinin nə vaxtsa verdiyi vədə xilaf çıxması barədə suala keçmiş Amerika lideri bu cür cavab verib: “Heç vaxt. O həmişə verdiyi sözü tutub”.

Suriyanın kimyəvi silah arsenalına beynəlxalq nəzarət barədə Rusiya-Amerika təşəbbüsünə toxunan Klinton deyib: “Hadisələrin inkişafını gözləmək lazımdır. Belə məsələlərdə hadisələrin mənfi istiqamətdə inkişafını nəzərə alaraq yaxşı nəticə əldə etmək üzərində işləmək lazımdır və bu imkandan yararlanmamaq dəhşətli səhvə yol verə bilər.”

AzVision.az

Teqlər: