Penitensiar Xidmətin ictimaiyyətlə əlaqələr şöbəsindən AzVision.az-a verilən məlumata görə, həyata keçirilmiş əməliyyat-axtarış tədbirləri nəticəsində Bakı İstintaq Təcridxanasında cəza çəkən 1971-ci il təvəllüdlü, Cinayət Məcəlləsinin 182.3.2 maddəsi ilə təqsirli bilinərək 8 il müddətinə azadlıqdan məhrum edilmiş məhkum Vüqar Sultan oğlu Əliyevin kamerasına baxış keçirilərkən əynində olan şalvarın sağ yan cibindən daxilində “Cin” danışıq kartı olan 1 ədəd “Nokia” markalı mobil telefon aparatı aşkar olunaraq götürülüb.
Daha bir bir əməliyyat-axtarış tədbirləri nəticəsində isə 3 saylı İstintaq Təcridxanasında 1985-ci il təvəllüdlü, Cinayət Məcəlləsinin 177.2.2; 177.2.4; 185.1 maddələri ilə təqsirləndirilən şəxs qismində saxlanılan Nazim Xəlil oğlu Əsgərovun zəruri istintaq hərəkətlərinin keçirilməsindən sonra təcridxanaya qaytarılan zaman üzərinə baxış keçirilərkən əynində olan alt paltarının içində gizlətdiyi 1 ədəd “Nokia” markalı mobil telefon aparatı və ona məxsus şampun qabının içərisində sellofana bükülərək gizlədilmiş xalis çəkisi 2,161 qram narkotik maddə olan “tiryək” aşkar olunaraq götürülüb.
Faktlar üzrə araşdırmalar aparılır.
AzVision.az
Şampun qabında tiryək tapıldı
26 Sentyabr 2013
Oxunub:3244
Penitensiar xidmətin, Bakı İstintaq təcridxanasının və 3 saylı İstintaq təcridxanasının əməliyyat aparatları tərəfindən müəssisədə qadağan edilmiş əşyaların aşkar olunması istiqamətində tədbirlər davam etdirilir.
Vaxtında, Aydın, Lazımlı!
-1736953175.jpg&h=190&w=280&zc=1&q=100)
-1736951645.jpg&h=190&w=280&zc=1&q=100)
-1736950543.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
