Kadırov Goranboyda tapılan 104 yaşlı qadına kömək edib

  07 Yanvar 2018    Oxunub : 7367
Kadırov Goranboyda tapılan 104 yaşlı qadına kömək edib
Çeçenistan lideri Ramzan Kadırov Goranboyda tapılan 104 yaşlı çeçen qadına kömək edib.

AzVision.az xəbər verir ki, Kadırov bu barədə "Mylistory" sosial şəbəkəsində yazıb. Çeçenistan rəhbəri Kərbəla adı ilə Goranboya göndərilən Mədinə Əliyeva adlı qadının durumu il maraqlandığını bildirib.
“Son vaxtlar Rusiya və Azərbaycan KİV-lərində Çeçenistan sakini Mədinə Əliyevanın Goranboyda küçədə soyuqdan donmuş halda tapılması barədə xəbərlər yayılıb. Bütün məlumatlar bir mənbəyə istinadən yazılıb. Mən dərhal məsələnin dəqiqləşdirilməsi barədə göstəriş verdim. Azərbaycan Daxili İşlər Nazirliyinin əməkdaşları, qadının yerləşdirildiyi “Tereza Ana” sığınacağı və “Təmiz Dünya” Qadınlara Yardım İctimai Birliyin rəhbərliyi və Mədinə Əliyevanın özü ilə söhbətdən sonra məsələyə aydınlıq gətirildi. Xasavyurt rayonun Osmanyurt və Xasav-Yurt kəndlərində yaşadığını iddia edən qadın bildirir ki, onun heç bir qohumu yoxdur,” - Kadırov yazıb.

Çeçenistan rəhbərinin sözlərinə gör, Osmanyurt kəndinin administrasiyasında M.Əliyeva haqda heç bir məlumat yoxdur, laki onun bu kənddən olmasına dair arayışı var: “Çeçenistan Miqrasiya Xidmətinin məlumatına əsasən, 1914-cü il təvəllüdlü Mədinə Əliyeva Çeçenistanda heç bir sənəd almayıb və burada qeydiyyatda olmayıb. Ola bilsin ki, yaşının çox olması səbəbindən Mədinə Əliyeva harada yaşadığını dəqiq xatırlamır”.



Kadırovın yazdığına görə, onun göstərişi ilə Çeçenistan nümayəndələri qadına baş çəkib, ona yardım ediblər.

“Bazar ertəsi Rusiya səfirliyinin dəstəyi ilə Mədinə Əliyevanın Azərbaycandan Çeçenistana göndərilməsinə dair məsələ öz həllini tapacaq. Hal-hazırda ona təcili kömək lazımdır. Haradan olması vacib deyil. Ona köməklik göstəriləcək, lazımi qaydada qayğısına qalınacaq”, - Kadırov vurğulayıb.

Qeyd edək ki, Çeçenistan sakini olduğunu deyən 104 yaşlı Mədinə Əliyeva Yeni il ərəfəsində Gədəbəy rayonunda küçədə tapılıb və Bakıda sığınacağa yerləşdirilib. Məlum olub ki, M.Əliyeva aldadılaraq Kərbəla adı ilə Gədəbəyə göndərilib.

AzVision.az

Teqlər: Kadırov