Sarkisyan Moskvaya və Avropaya gizli səfər edib

  10 Yanvar 2018    Oxunub : 778
Sarkisyan Moskvaya və Avropaya gizli səfər edib
Milad bayramı ərəfəsində Ermənistan prezidenti Serj Sarkisyanın xəstələnməsi, bu səbəbdən dini mərasimlərdə iştirak etməməsi haqda məlumatlar yayılıb. Rəsmi dairələr bu xəbərləri təkzib etməyə çalışsa da, Sarkisyanla bağlı erməni KİV-lərin apardığı araşdırmalar ilginc faktları ortaya çıxarıb.
AzVision.az "Haykakan Jamanak" qəzetinə istinadən xəbər verir ki, Sarkisyan yanvar ayının ilk günlərində səyahətdə olub.

Məlumata görə, Ermənistan prezidenti yanvarın 3-də Moskvada, bundan 1-2 gün əvvəl isə Avropa ölkələrindən birində səfərdə olub. Onun MoskvaAvropaya hansı səbəbdən getdiyi bilinmir.

Sarkisyanın mətbuat katibi Vladimir Hakobyan isə jurnalistlərin suallarını cavablandırmaqdan boyun qaçırır, mümkün qədər məlumatları ört-basdır etməyə çalışır.

Alpər Mövlıudoğlu
AzVision.az

Teqlər: Ermənistan   Sarkisyan   Moskva   Avropa