Fazil Məmmədov Firdovsi Umudova vəzifə verdi

Fazil Məmmədov Firdovsi Umudova vəzifə verdi
  12 Yanvar 2018    Oxunub:4805
Azərbaycan Güləş Federasiyasının rəhbərliyində kadr dəyişikliyi aparılıb.

AzVision.az xəbər verir ki, federasiyanın Prezidenti Fazil Məmmədovun müvafiq əmri ilə Federasiyanın I vitse-prezidenti vəzifəsinin müvəqqəti icraçısı Ələkbərov Sahib Nurəddin oğlu tutduğu vəzifədən azad edilib.
Azərbaycan Güləş Federasiyasının I vitse-prezidenti vəzifəsinin icrası Umudov Firdovsi Qəminalı oğluna həvalə edilib.

Qeyd edək ki, Firdovsi Umudov sərbəst güləş üzrə yığma komandanın baş məşqçisi, əməkdar məşqçi, beynəlxalq dərəcəli idman ustası, Dünya Güləş Birliyi Məşqçilər Assosiasiyasının üzvüdür.

Güləş idman növünün inkişafındakı xidmətlərinə görə o, 2009, 2012 və 2015-ci illərdə Azərbaycanın, 2012-ci ildə Dünyanın ən yaxşı məşqçisi seçilib, Azərbaycan Respublikası Prezidentinin sərəncamları ilə "Şöhrət" ordeni, "Tərəqqi" medalı və "Azərbaycan Respublikası Prezidentinin Fəxri Diplomu" ilə təltif olunub.

AzVision.az


Teqlər: Güləş   Federasiya   Firdovsi-Umudov  





Xəbər lenti


Azvision.az ©2014 | Bütün hüquqları qorunur