“Porsche”ni Nazarbayevin sarayına çırpan polislər işdən qovuldu

“Porsche”ni Nazarbayevin sarayına çırpan polislər işdən qovuldu
  19 Yanvar 2018    Oxunub:2227
Qazaxıstanın paytaxtı Astanada sərxoş polis əməkdaşları idarə etdiyi “Porsche Cayenne” avtomobilini prezident Nursultan Nazarbayevin iqamətgahının hasarına çırpıb.

AzVision.az “Tengrinews.kz” saytına istinadən xəbər verir ki, hadisə yanvar ayının 17-də gecə saatlarında qeydə alınıb. Avtomobili polis baş leytenantı E. İmanbəyov idarə edirmiş.
Araşdırma zamanı aşkar edilib ki, avtomobil həmin şəxsin adına olmayıb. Belə ki, “Porsche Cayenne” avtomobili onun həmkarı, polis kapitanı Cumahmedova aiddir. Qəza zamanı o, avtomobildə olsa da, hadisə yerindən qaçıb.



Hazırda faktla bağlı araşdırma aparılır. Hər iki polis vəzifəsindən uzaqlaşdırılıb. Bundan başqa, fərdi tərbiyə işinin zəif təşkilinə görə, polislərin işlədiyi idarənin rəhbərləri ciddi intizam məsuliyyətinə cəlb olunub.



İlkin Nəcəfzadə
AzVision.az


Teqlər: Qazaxıstan   Qəza   Nazarbayev  



Xəbər lenti


Azvision.az ©2014 | Bütün hüquqları qorunur