ABŞ səfirliyi regionlarında köçkünlərin bacarıqlarını gücləndirir

  01 Fevral 2018    Oxunub : 631
ABŞ səfirliyi regionlarında köçkünlərin bacarıqlarını gücləndirir
31 yanvar tarixində ABŞ Səfirliyinin nümayəndələri Beynəlxalq Avrasiya Mətbuat Fondu (BAMF) ilə birlikdə ABŞ səfirliyi tərəfindən maliyyələşdirilən "Vətəndaş Cəmiyyətində İştirak üçün Gənc Məcburi Köçkünlərin Bacarıqlarının Gücləndirilməsi" layihəsinin başa çatmasını qeyd edib.
ABŞ səfirliyindən AzVision.az-a daxil olan məlumatda bildirilir ki, 2017-ci ilin noyabr ayında başlanan layihə kiçik icma layihələrində və teatr səhnələrində iştirak edən Tərtər, BərdəAğdam rayonları üzrə 75-dən çox gənc məcburi köçkünü cəlb edib.

Layihələr sosial məsələlər - narkotiklərdən istifadəyə qarşı və ətraf mühitin qorunması ilə bağlı ictimai məlumatlılığı, gənclərin peşə və həyat təcrübələrini artırmaqla bərabər məcburi köçkünlərin istedadlarını nümayiş etdirdi. Teatr səhnələri hər üç bölgə icmalarına müraciət edərək, cəmiyyətdə gender əsaslı zorakılıqların qarşısının alınması, cəmiyyətdə zorakılığın və ekstremizmin aradan qaldırılması və sülh quruculuğuna yönəldib.

Beynəlxalq Avrasiya Mətbuat Fondu 1992-ci ildə bir qrup beynəlxalq jurnalist tərəfindən təsis edilmiş müstəqil beynəlxalq qeyri-hökumət təşkilatıdır. Fond Media Böhranının idarə edilməsi, sülhməramlı fəaliyyət, münaqişələrin həlli, qaçqınlar / məcburi köçkünlərin inkişafı və icmanın inkişafı kimi məsələlərlə məşğul olur. ABŞ səfirliyi 2017-ci ildə cəbhə bölgələrində məcburi köçkün cəmiyyətlərinin digər iki layihəsini dəstəkləyib. Tərtər, Ağcabədi, AğdamBeyləqan şəhərlərində qadınlara qarşı zorakılığa dair məlumatlılığın artırılması və Bərdə, TərtərAğdamda gənc məcburi köçkünlər üçün kommunikasiya, liderlik və multimediya bacarıqları üzrə təlimlər təşkil edib.

Eldar Tanrıverdiyev
AzVision.az


Teqlər: ABŞ