Qış Olimpiya Oyunları başlayıb

  08 Fevral 2018    Oxunub : 492
Qış Olimpiya Oyunları başlayıb

Koreya Respublikasının Pxençan şəhərində XXIII Qış Olimpiya Oyunları başlayıb.

AzVision.az xəbər verir ki, Olimpiadanın startında kerlinq, dağ xizəyi, biatlon və xizəklə tramplindən tullanma yarışları keçirilir. “Pxençan-2018” Olimpiya Oyunlarında 92 ölkədən 2952 idmançı iştirak edir. Oyunlara ən çox idmançı ilə qatılan ölkə Amerika Birləşmiş Ştatlarıdır (242 atlet).

Olimpiadanın açılış mərasimi fevralın 9-da 35 min azarkeş tutumuna malik Pxençan Olimpiya Stadionunda təşkil olunacaq. Atletlər 7 idman növündə 102 dəst medal uğrunda yarışırlar. Martın 9-dan 18-dək Pxençanda Qış Paralimpiya Oyunları keçiriləcək. Paralimpiyaçılar 5 növdə 80 dəst medal uğrunda mübarizə aparacaqlar.

Qeyd edək ki, Olimpiadada Azərbaycan 1 idmançı ilə təmsil olunur. Patrik Braxner dağ xizək idmanında yarışlara qatılacaq.

AzVision.az

Teqlər: Olimpiya-Oyunları