Tillersonun sürpriz Türkiyə səfərinin sirri
AzVision.az Türkiyə KİV-lərinə istinadən xəbər verir ki, məlumatı ABŞ rəsmiləri təsdiqləyib. Səfərin dəqiq vaxtı açıqlanmayıb, hazırda bu istiqamətdə danışıqların getdiyi bildirilib.
ABŞ tərəfi səfər zamanı Suriyadakı son vəziyyətlə bağlı müzakirələrin aparılacağını iddia edib. Türkiyə mətbuatı isə hesab edir ki, Tillerson Ankaraya "Zeytun budağı" əməliyyatının dayandırılması üçün təşrif buyuracaq.
"ABŞ dövlət katibi Türkiyə səfərində Afrində keçirilən antiterror əməliyyatlarının dayandırılmasını tələb edəcək. Bu səbəbdən səfərin çətin olacağını gözləyirik" - KİV yazıb.
Ekspertlərin fikrincə, Tillersonun sürpriz səfəri sırf Afrinlə bağlıdır. ABŞ əməliyyatların davam etməsini istəmir, terrorçulara endirilən zərbələr rəsmi Vaşinqtonu ciddi narahat etməyə başlayıb.
AzVision.az