71 nəfərin öldüyü təyyarə qəzasının səbəbi məlum oldu
AzVision.az Rusiya KİV-lərinə istinadən xəbər verir ki, “Saratov Hava Yolları”na məxsus təyyarə ötürücü cihazların buz bağlamasına görə qəzaya düşüb.
"Qara qutuda “AN-148”nin əvvəlki 15 uçuşu barədə məlumatlar saxlanılıb. Bu məlumatlara görə, əvvəlki uçuşlarda qızdırıcı sistem təyyarə havaya qalxandan dərhal sonra işə salınıb”, - deyə Beynəlxalq Aviasiya Komitəsinin məlumatında bildirilib.
Qeyd edək ki, fevralın 11-də baş verən qəza nəticəsində təyyarədə olan 65 sərnişin və 6 ekipaj üzvü həlak olub. Onlardan biri Azərbaycan vətəndaşıdır.
AzVision.az