Məmmədyarov Münhen Təhlükəsizlik Konfransında çıxış edib

  16 Fevral 2018    Oxunub : 883
Məmmədyarov Münhen Təhlükəsizlik Konfransında çıxış edib
Xarici işlər naziri Elmar Məmmədyarov Münhen Təhlükəsizlik Konfransı çərçivəsində enerji təhlükəsizliyi mövzusunda keçirilmiş dəyirmi masada iştirak edib.
Xarici İşlər Nazirliyindən AzVision.az-a daxil olan məlumata görə, dəyirmi masada enerji təhlükəsizliyi sahəsində aktual məsələlər üzrə müzakirələr aparılıb.

Nazir Elmar Məmmədyarov çıxışında Azərbaycanın Avropanın enerji təhlükəsizliyinin təmin olunmasında rolundan bəhs edərək Cənub Qaz Dəhlizi və bu xüsusda TANAP və TAP layihələrinin strateji əhəmiyyətindən söz açıb. O, TANAP layihəsinin bu il fəaliyyətə başlayacağı, TAP layihəsi üzrə işlərin isə qrafika uyğun olaraq uğurla davam etdiyini qeyd edib.

Habelə, nazir E.Məmmədyarov Bakıda 9 fevralda Cənub Qaz Dəhlizi Məşvərət Şurası çərçivəsində keçirilmiş IV nazirlər iclası və orada alınmış qərarlar barədə tədbir iştirakçılarına məlumat verib.

Eldar Tanrıverdiyev
AzVision.az

Teqlər: Məmmədyarov   XİN   Almaniya   Konfrans