Avropa İttifaqı Türkiyəyə viza şərti qoydu

  17 Fevral 2018    Oxunub : 1700
Avropa İttifaqı Türkiyəyə viza şərti qoydu
“Türkiyə terrorizmlə mübarizə haqqında qanunun sərtliyini azaltmadan Avropa İttifaqı (Aİ) bu ölkəyə sadələşdirilmiş viza rejimini tətbiq edə bilməz”.

AzVision.az xəbər verir ki, bunu Belçika xarici işlər naziri Didier Reynders deyib.
XİN rəhbəri bildirib: “Əgər bu qanunu Avropa İttifaqı dəyərlərinə yaxınlaşdırmaq mümkün olarsa, o zaman bu məsələdə bir qədər irəliləyişin əldə edilməsi mümkün olacaq. Türkiyə terrorizmlə mübarizə haqqında qanunun sərtliyini azaldarsa, bu zaman viza məsələsində də irəliləyiş əldə oluna bilər”.

Aİ-nin genişlənmə və qonşuluq siyasəti üzrə komissarı Yohannes Xan isə bildirib ki, Brüssel Türkiyənin vizasız rejimin tətbiqi ilə bağlı təqdim etdiyi sənədləri analiz edib.

Kənan Məmmədov
AzVision.az

Teqlər: Türkiyə   Viza