Cinemazadeh Şairzadə sosial layihəsini təqdim edib - VİDEO

  20 Mart 2018    Oxunub : 803
Cinemazadeh Şairzadə sosial layihəsini təqdim edib - VİDEO
Cinemazadeh studiyası yeni - Şairzadə sosial layihəsini təqdim edir. Azər Türk Bank-la birgə hazırlanan şeir layihəsi Azərbaycan dilinə dəstək xarakteri daşıyır.
AzVision.az xəbər verir ki, Məşhur şairlərimizin məşhur şeirlərini qısametrajlı film kimi təqdim edərək ədəbiyyatımıza yeni nəfəs verməyi düşünən Cinemazadeh komandası ilk olaraq Novruz bayramı ərəfəsində dahi şair Məhəmmədhüseyn Şəhriyarın "Heydərbabaya salam" poemasından bir hissəni ekranlaşdırıb. Ekran işində şeiri Xalq artisti Şamil Süleymanlı səsləndirib.

Layihənin ideya müəllifi və baş prodüseri Cəfər Axundzadə, baş redaktoru Xətai Əli, ssenari müəllifi Vüqar Hüseynov, icraçı prodüderi İsmayıl Bağırovdur.


"Heydərbabaya salam" qısametrajlı filminin quruluşçu rejissoru Taleh Yüzbəyov, quruluşçu operatoru Rauf Qurbanəliyev, Post-prodakşn supervayzeri Vüqar İslamzadə, səs rejissoru Azad Vəliyevdir.

Qeyd edək ki, layihə çoxseriyalı nəzərdə tutulub və hər bir şeirə tanınmış rejissorlar quruluş verəcək.

AzVision.az

Teqlər: Cinemaplus