Deputatlarımız qalmaqallı tədbirdən danışıb

Deputatlarımız qalmaqallı tədbirdən danışıb
  07 Oktyabr 2013    Oxunub:1003
Oktyabrın 3-də Avropa Parlamentində Azərbaycandakı prezident seçkiləri ilə bağlı keçirilən müzakirələrdə iştirak edən deputatlar Fuad Muradov, Asim Mollazadə və Çingiz Əsədullayev bu gün Milli Məclisdə mətbuat konfransı keçiriblər.
AzVision.az xəbər verir ki, deputat Fuad Muradov Avropa Parlamentində təşkil olunmuş seminarın “Azərbaycanda prezident seçkiləri, əməkdaşlıq imkanları” adlansa da, əslində tədbirin mahiyyətinin Azərbaycanın əleyhinə olduğunu deyib. Deputat qeyd edib ki, onlar Azərbaycanda yaşayan azsaylı xalqların problemlərini müzakirə edəcək bir tədbirdən təəccübləniblər: “Bu Avropa Parlamentinin tədbiri deyil, Hollandiyadakı liberal-demokrat qrupunun seminarı idi. Avropa Parlamentinin hər bir üzvinin belə seminar keçirmək hüququ var. Çox qəribədir ki, onlar bu tədbirə “Avropada tanınmayan xalqların təşkilatı” adlı qurumun nümayəndələri də dəvət olunmuşdu. Tədbir əvvəldən axıradək Azərbaycanın əleyhinə olan nitqlərlə müşayət olundu”-, deyə deputat vurğulayıb.

Onun sözlərinə görə bu heç də təsadüfi deyil: “Bu ilin noyabrında Vilnusda Şərq tərəfdaşlığı proqramı ölkələrinin sammiti keçriləcək. Azərbaycanın da iştirakı planlaşdırılır. Azərbaycan Avropa ilə starteji əməkdaşlığı ilə mühüm sənədlər imzalanan məqamda həmişə belə müzakirələr təşkil olunur. Bu isə müəyyən maraqlı dairələrin planlaşdırılmış addımıdır”.

Millət vəkili Asim Mollzadə qeyd edib ki, Vilnusda Azərbaycanın bir sıra mühüm sənədləri imzalanacağı gözlənilir. “Azərbaycanla Avropa Birliyi strateji əməkdaşlıq sənədinin hazırlanması üzərində iş gedir. Məhz belə həssas məqamda Avropa Parlamentində bu tədbirin təşkil olunması uzağa gedən nəticələrdən xəbər verir”. Asim Mollazadə bildirib ki, Ermənistan Gömrük İttifaqı sənədini imzalamaqla faktiki Avropa ilə əməkdaşlıqdan kənarda qalıb. Odur ki, Bakının Avropa ilə belə isti əlaqələri bir sıra dairələrin xoşuna gəlmir və bu istiqamətdə müəyyən əngəllər yaratmaq fikrinə düşüblər.

“Mən bildirdim ki, Azərbaycanda dövlət səviyyəsində azsaylı xalqların hüquqlarını qoruyan sənədlər imzalanıb və etnik zəmində hər hansı bir münaqişə baş verməyib. Bu tədbirlərin keçrilməsində əsas məqsəd Azərbaycanı Avropaya inteqrasiyadan kənarda qoymaqdır”-, deyə Asim Mollazadə bildirib.

Deputatlar deyiblər ki, seminarda iştirak edən seperatçı təşkilatların rəhbərlərinə çıxış etmək imkanı yaradılsa da Azərbaycanlı deputatlara bir dəqiqəlik reqlament qoyulub. Gərgin şəraitdə keçən seminarda ləzgi və digər təşkilatların nümayəndələri Azərbaycan deputatlara sayğısızlıq nümayiş etdirib və Azərbaycana qarşı ərazi iddiaları ilə çıxış ediblər.

Millət vəkili Fuad Muradov Müsavat başqanı İsa Qəmbərin müzakirələrdə passiv iştirakından narazılıq edib. “Bu tədbirin təşkil edən liberal demokrat qrup Müsavat partiyası ilə bir blokda müttəfiqdir. Müsavat bu məsələni gündəliyə salınmasına öz etirazını bildirə bilərdi. Ancaq biz bunun şahidi olmadıq”.

Millət vəkillıəri bildiriblər ki, tədbirdə iştirak edən Avropalı parlamentarilər bu müzkairələrdən təəssüfləndiklərini bildiriblər və Azərbaycana dəstək nümayiş etdiriblər”.

Sevinc İltifatqızı


Teqlər:





Xəbər lenti